Pulelulu ‘Aho 28 Áokosi 2024 Saame 45: 1-2, 6-9*

Veesi lauloto: V.7 - “’Oku ke manako ki he totonu, pea ‘oku ke fehi’a ki he hala;Ko ia ai ko e ‘Otua, ío ko ho ‘Otua, kuo ne pani ‘aki koe ‘a e lolo ‘o e fiefia...”

‘Oku íloa ‘a e Saame ni ko e Saame ki he ta’ane ‘a Solomone. Pea ‘oku to e íloa ko e Saame ‘o e faka Misaianiki(messianich) he ‘oku ne palofisai kia Kalaisi mo ho no Uaifi ko e Siasi.

‘Oku kei ongo mai pe ‘a e le’o ‘o e ongo lēsoni ‘o e Monite mo e Tusite he ngaahi ímisi ‘oku ngāue ‘aki he’e Saame ‘o e ‘aho ni. Pea ‘oku íkai ke tau lava ke fakamatalaí ‘a e Fakaofo ‘a e fie kainga mai ‘a e ‘Otua kia tekitautolu. ‘Oku íkai lava ke tau fakatataua ‘a e ope mai ‘a e ‘ofa ‘a e ‘Otua ‘o lau ki taua ko hono ‘Ofa’anga.

Ko e ha leva ‘a taua ‘e fai? Ko hota fatongia ko e fakahoungaí ‘a e ‘ofa mai ‘a e ‘Otua. Pea ta mo’ui faka ‘Otua, he lea, he sio, he laka mo e ala. He ‘oku faka tokanga mai he‘e veesi lauloto, ‘oku manako ‘a e ‘Otua ki he totonu. ‘Oku fehi’a ki he fai hala.

Lotu: ‘E ‘Otua ‘oku mau tumu ho’o ‘Eiki ho’o ngāue. Ho’o hamu ki mautolu mei he vanu ‘o e mate. Ho’o ui ki mautolu ko ho’o pele. Fakatāpui ki mautolu ke hoko ko ho temipale. ‘Emeni.