Tuápulelulu ‘Aho 29 Áokosi 2024 Semisi 1: 1-11

Veesi lauloto: V. 2-3 - “Si‘oku kainga, mou lau ko e koto fakafiefia, ‘oka, mou ka tō ki he ngaahi ‘ahi’ahi kehekehe; ko ho’omou ílo, ko e sivi ‘o ho’omou tui ‘oku ne fakatupu ‘a e kataki”.

Ko e tohi eni ‘a Semisi fekau’aki mo e lotu fo’ou ‘a e kau Siu mo e Kalisitiane i Selusalema. Pea ko e kau Kalisitiane fo’ou eni na’e fakatangaí kinautolu ko e ‘uhi ko ‘enau tui. Na’e fakatokanga he’e ‘apositolo kuo pau ke nau fehangahangai mo e ngaahi fakafe’atungia. Ka e ‘oua na’a aafe ai ho nau loto mo ‘e nau tui. Pea ko e fa’unga ia ‘o e kataki. Kapau ‘e íkai ha fakafe’atungia ‘e íkai ha kataki. Pea ko e kataki ‘oku ne ‘omi faingamalie ke tau ako ai pea íkai ha me’a tete masiva ia. ‘Oku ako mai he’e ‘Apositolo ‘a e mahuínga ‘o e fehokotaki mo e ‘Eiki. Ko e taimi ‘ete masiva ha me’a pe ha ílo ke faka’uto’uta ‘aki e fononga, ‘oku hanga he’e ‘Apositolo ‘o faka’ai’ai ke tau mo’ui fa’a lotu. Pea ko ‘e tau lotu ‘oku fai, ‘oku fai í he loto tui falala mo’oni ki he ‘Eiki.

Ka íkai ke tau tui mo falala ki he ‘Eiki, te tau veiveiua. Te tau loto sií pea fepale kina holo kita he’e ta’etui ‘o hange ha limu tu’u í ‘au. Talamai he’e ‘Apositolo, ko e taha tui veiveiua ‘oku íkai maau ha’a ne me’a ‘a’ana v.8.

Lotu: Tuku ‘a faingata’a ke ha’u: ‘oua hoha’a ka lave mai: tuai’aekemo kuo pau ha ivi ‘e fe’unga ia. ‘Emeni.